‘ ද ලෝර්ඞ් ඔෆ් ද රිංග්ස් ’ හඹා යන ‘ද හොබිට්’ චාරිකාව

                 බියවීම යනු අපගේ මනසේ පවතින දුර්වලතාවක් මත පමණක් ඇති වන සිතුවිල්ලක් විනා එය තමන්ගේ ශරීර ප‍්‍රමාණය හෝ තමන් තුළ පවතින සංස්කෘතිකමය හෝ දැනුම නමැති පරිචයන් හේතුවෙන් සිදුවන්නක් නොවේ. බිය ජයගෙන ඉදිරියට යාම වනාහි තම අරමුණ උදෙසා නොනවත්වා ක‍්‍රියාත්මක වන ක‍්‍රියාවලියක් බවට පත්වන්නේය. අ`ගුටුමිටි බිල්බෝ බැගින්ස් තම කුඩා ශරීර ප‍්‍රමාණය පිළිබඳ නොසිතා වීර වික‍්‍රමයන් සඳහා පෙළඹෙන්නේ මේ නිසාය. ඔහු තමාටමත් තම වර්ගයේ අනෙකුත් සාමාජිකයන්ටත් අභියෝගයක් වන්නේ මෙම අසීමාන්තික ධෛර්යය හේතුවෙනි. බිල්බෝ බැගින්ස්ගේ ගමනාන්තය පිළිබ`ද දැක්මක් ඔහුටම නැත. එහෙත් කෙසේ හෝ අවසානයත් දැකීම උදෙසා ගමන් කළ යුතු බවට පමණක් ඔහු දත්තේය. මේ නිසා බිල්බෝ තම ආත්ම විශ්වාසය සවියක් කොට ගනිමින් ඉදිරියට ඇදෙන්නේය. බිල්බෝගේ අරමුණ වන්නේ ස්මව්ග්  නම් මකරා ආරක්ෂා කරගෙන සිටිනා අතිවිශාල නිධානයෙන් කොටසක් ලබා ගැනීමටය. මෙම මකරා සොයාගෙන යන ගමන ලෙහෙසි පහසු නැත. දවාලේ පවා අඳුර රජයන මෙම ප‍්‍රදේශවලට අ`ගුටු මිට්ටෙකු තබා යෝධයකුවත් පිවිසෙන්නේ නැත. නමුත් සිත තුළ පවතින ධෛර්යය නිසා බිල්බෝ ඉදිරියට ඇදෙන්නේය. බිල්බෝට වනය තුළ පවතින සියලූම අන්තරාවන් සේම මායාකාර ‘සව්රන්’ගෙන්ද ආරක්ෂා විය යුතුව තිබේ. ‘සව්රන්’ යනු එම රාජධානියේ සිටිනා භයානකම මෙන්ම ම්ලේච්ඡුතම මායාකරුවායි. මොහුගේ කෝපය හේතුවෙන් මිනිසුන්, සතුන් පමණක් නොව ගස් ගල් පවා විනාශ වන්නේය. ස්ව්රන්ගෙන් ගැලවීම උදෙසා මායාකරු ‘ගන්ඩල්ෆ්’ බිල්බෝගේ ආරක්ෂාවට කිහිපදෙනෙක් පත් කරත් ඔවුන්ටද බිල්බෝගේ ආරක්ෂාව තහවුරු කිරීමට සමත් නැත. ඒ ඔහු යන්නේ එතරම්ම අවදානම් ගමනක් වන බැවිනි. බිල්බෝ බැගින්ස්ට අවසානයේ කුමක් වෙයිද? ඔහුට තම අරමුණ සාක්ෂාත් කරගැනීමට හැකි වෙයිද? ‘ද හොබිට්’  සිනමා කෘති තුනට පාදක වී ඇත්තේ මෙම කතාවයි.

            ජේ.ආර්.ආර්. ටොල්කින්ගේ ‘ද හොබිට්’ නවකතාව හරහා පීටර් ජැක්සන් නිර්මාණය කරන ලද ‘ද හොබිට්:ඇන් අනෙක්ස්පෙක්ටඞ් ජර්නිතිරගත වීම පසුගිය නොවැම්බර් 28 වැනිදා ආරම්භ විය.

            ‘ද හොබිට්’ නිර්මාණය කළ යුතු යැයි පීටර් ජැක්සන් තීරණය කළේ මීට වසර කිහිපයකට පෙරය. නමුත් එය නැතහොත් එක සිනමාපටයකින් නිම කරන වාද සිනමාපට කිහිපයක දිගුවක් බවට පත් කරනවාද යන්න පිළිබ`ද විවිධ මතවාද පැවතිණි. කෙසේ වෙතත් 2005 වර්ෂයේ සිට ‘ද හොබිට්’ නිර්මාණය කිරීමේ පෙර නිෂ්පාදන කටයුතු ඇරඹී තිබිණිි. මීට පෙර ජේ.ආර්.ආර්. ටොල්කින්ගේ කෘති දෙකක් පාදක කරමින් නිර්මාණය කළ ‘ද ලෝර්ඞ් ඔෆ් ද රිංග්ස්’ සිනමා කෘති තුන ලොව පුරා අතිසාර්ථකව තිරගත විය. එම සිනමා කෘති තුන සඳහා ඩොලර් මිලියන 281ක් වැය කර තිබූ අතර මෙම නිර්මාණය ප‍්‍රදර්ශනය වීම නිසා ලැබුණු ලාභය ඇමෙරිකන් ඩොලර් බිලියන 2.92කි. මෙම අතිසාර්ථකත්වයත් ඔස්කාර් සම්මාන 17කින් ‘ලෝර්ඞ් ඔෆ් ද රිංග්ස්’ පිදුම් ලැබීමත් හේතුවෙන් ‘ද හොබිට්’ සඳහා අතිවිශාල පේ‍්‍රක්ෂක පිරිසක් එකතු වනු ඇති බවට පීටර් ජැක්සන්ට ඒත්තු ගැන්වී තිබිණි. නමුත් මේ වනවිට ‘ද හොබිට්’ සිනමාපටය කොටස් තුනකින් යුක්තව නිර්මාණය කිරීම පිළිබ`ද විචාරකයන්ගේ හොඳ සහ නරක මත ඉදිරිපත් වී ඇත. විශේෂයෙන් මෙම සිනමාපට සඳහා පාකද වී ඇති නවකතාවෙහි ‘ද ලෝර්ඞ් ඔෆ් ද රිංග්ස්’ මෙන් ත‍්‍රාසජනක ක‍්‍රියා සහ දර්ශනීය සිදුවීම් දක්නට නොමැති බවත් සිනමා නිර්මාණයේ ආතතිය පවත්වාගෙන යාමට එය බාධාවක් වනු ඇතැයි යනුවෙන්ද අදහස් පළ වී ඇත. කෙසේ වෙතත් පීටර් ජැක්සන් නවකතාව එලෙසම සිනමාවට රැුගෙන නැත. ඒ වෙනුවට එම කතාන්දරය තුළට තවත් කරුණු එකතු කළ පීටර් ජැක්සන් ‘ද හොබිට්’ සිනමාවට අනුවර්තනය කළේය. ඒ අනුව නව චරිත රැුසක් මෙන්ම සිදුවීම් රැුසක්ද සිනමාවට ගෙනඒමට පීටර් ජැක්සන් කටයුතු කර ඇත.

                        මෙම අනුවර්තනය ටොල්කින්ගේ පාඨකයන්ගේ දැඩි විවේචනයට භාජනය වී ඇත්තේ සාහිත්‍ය විකෘති කරන ලදැයි චෝදනාවද සමගය. ‘ද හොබිට්’ නිර්මාණය කිරීමේදී පළමුව එහි අධ්‍යක්ෂවරයා වශයෙන් තෝරාගෙන තිබුණේ ‘ගුලිර්මෝර් ඩෙල් ටොරෝ’ය. නමුත් තිරපිටපත රචනා කිරීමට ඉතා දිගු කාලයක් (වසර තුනක්) ගතවීම නිසා ගුලිර්මෝර් මෙම ව්‍යාපෘතියෙන් ඉවත් විය. ඒ සමග ‘ද ලෝර්ඞ් ඔෆ් ද රිංග්ස්’හි විශිෂ්ඨත්වය රූපයට නැගූ පීටර් ජැක්සන් හටම අධ්‍යක්ෂ කාර්යය පැවරුණි. මේ වනවිට ‘ද හොබිට්’ සිනමා නිර්මාණ තුනම රූගත කර අවසන්ව ඇත. ඒ සඳහා දින 266ක කාලයක් ගත විය. මෙම චිත‍්‍රපට පෙළ ‘ද හොබිට්’; ‘අන්එක්ස්පෙක්ටඞ්’, ‘ද ඩෙසො ලේෂන් ඔෆ් ස්මව්ග් , ‘දෙයාර් ඇන්ඞ් බැක් එගේන්’ වශයෙන් නම් කර ඇත.
                                                     ප‍්‍රථම ‘ද හොබිට්’ සිනමාපටය ප‍්‍රදර්ශනය කිරීමෙන් අනතුරුව පීටර් ජැක්සන් මෙසේ අදහස් දැක්වීය. ‘මම දකින්නේ සිනමාපටයක් කරනවා කියන්නේ බොහොම ආත්මාර්ථකාමී ක‍්‍රියාවක්. ඔබ කොහෙට හෝ ගොස් දැහැන් ගතවෙලා අන්‍යයන්ගෙන් වෙන් වෙලා මේ කටයුත්ත කරන්න  ඕනේ. එහි සාර්ථකත්වය සහ ඔබට කීමට අවශ්‍ය වූ දෙය නිවැරැුදිව කියවිලා තියෙනවද යන්නත් සෑම සිනමාපටයකට පසුව සොයන්න  ඕනේ. ‘ද හොබිට්’ කෘතිය කියවීමෙන් පසු මට හිතුණා මේක සිනමාවට නගන්න. ඇත්තටම 1995 වර්ෂයේ තමයි ඔය අදහස ආවේ. නමුත් ‘ද හොබිට්’ නිර්මාණය කරන්න කලින් ‘ද ලෝර්ඞ් ඔෆ් ද රිංග්ස්’ සිනමා නිර්මාණ කරන්න සිදුවුණා. මට අද වගේ මතකයි ‘ද හොබිට්’ කියවා අවසානයේදී මගේ නෙත`ගින් ක`දුළු වැගිරෙන්නට වුණා. මේ කාර්යය මුලදී ආරම්භ කරද්දී මා තුළත් සැකයක් මතු වුණා. ‘ද හොබිට්’ පේ‍්‍රක්ෂකයා වැළඳ ගනියිද? වැළඳ ගන්නවා නම් ඒ කොයි ආකාරයකින් විය යුතුද යන්න ගැන. සිනමාවේ කතන්දර කියන්නකු වශයෙන් මට අවශ්‍ය වුණේ මම කෘතිය කියවීමෙන් ලබාගත් ආශ්වාදය පේ‍්‍රක්ෂකයාට ලබා දෙන්නයි. කොයිම ආකාරයෙන් වුණත් තාක්ෂණය හරහා කොපමණ ප‍්‍රයෝග යෙදුවත් තවමත් පේ‍්‍රක්ෂකයන්ගේ අවධානය පවතින්නේ සිනමාපටය තුළ පවතින කතාවටයි’

                                     ‘ද හොබිට්’ සිනමාපට ත‍්‍රිත්වයේ දෙවැනි සිනමා කෘතිය 2013දීත් තෙවැන්න 2014දීත් තිරගත කිරීමට කටයුතු කර ඇත. 1937දී ජේ.ආර්.ආර්. ටොල්කින් රචිත මෙම ළමා චිත‍්‍ර නවකතාව සිනමාවට නැගෙන්නේ දෙවැනි වරටයි. මීට පෙර 1978දී කාටූන් සිනමාපටයක් වශයෙන් ‘ද හොබිට්’ තිරගත කර ඇත. මාලා සිනමාපටවලටත් ත‍්‍රාසජනක ක‍්‍රියාවලටත් මිත්‍යා කතන්දරවලටත් ප‍්‍රිය පේ‍්‍රක්ෂකයන් මෙය ඉතා ආදරයෙන් වැළඳ ගනු ඇත. නමුත් ‘ද ලෝර්ඞ් ඔෆ් ද රිංග්ස්’ සිනමාපට තුන ලැබූ ජනප‍්‍රියත්වයත් විචාරක පැසසුමත් ‘ද හොබිට්’ සිනමාපටවලට ලැබෙයිද යන සැකය මතු වී ඇත.