ජන අරගල වෙනුවන් පෙනී සිටි ටෝනි ගේ‍්‍රග්
ඇන්තනි විලියම් ටෝනි ගේ‍්‍රග් හෙවත් අපි කවුරුත් දන්නා ලොව සුපතළ ක‍්‍රිකට් ක‍්‍රීඩා විස්තර විචාරක ටෝනි ගේ‍්‍රග් පසුගිය දෙසැම්බර් 29 වැනිදා අප අතරින් වෙන් වූයේය. ශ‍්‍රී ලංකා ක‍්‍රීඩා ඉතිහාසයේ අමරණීය විජයග‍්‍රාහී මතකයක් වන 1996 විල්ස් ක‍්‍රිකට් ලෝක කුසලානය දිනාගත් තරගයේ අවසන් විස්තර විචාරක කටයුත්ත කළේ ටෝනි ගේ‍්‍රග්ය. ඔහුගේ උද්යෝගිමත් මෙන්ම මහත් සතුටට පත් හඬ අර්ජුන රණතුංග ජයග‍්‍රහණයට පාර කැපූ හතරේ පහර සමග ලොව පුරා ගිගුම් දුන්නේය. ක‍්‍රීඩා විස්තර විචාරකයකුටත් වඩා උත්කෘෂ්ට මානවීය ගුණාංගයන් ටෝනි ගේ‍්‍රග් සතු විය. ශ‍්‍රී ලංකාවට හා ඉන්දියාවට ඔහු බෙහෙවින් ඇලූම් කළේය. ඉන්දියානු අර්ධද්වීපයේ දේශගුණයට, සංස්කෘතියට මෙන්ම ආහාරවලට ටෝනි ගේ‍්‍රග් ඇලූම් කළේය. අර්ජුන රණතුංග හට ‘කැප්ටන් කූල්’ යන නාමයත් රොමේෂ් කලූවිතාරණ හට ‘ලිට්ල් කලූ’ යන නාමයත් සනත් ජයසූරිය හට ‘මාස්ටර් බ්ලාස්ටර්’ යන නාමයත් පටබඳින්නේ ටෝනි ගේ‍්‍රග්ය. ඒ ඔහු මෙම කුඩා දිවයිනේ මිනිසුන්ට මෙන්ම ක‍්‍රිකට් ක‍්‍රීඩාවටද මුළු හදවතින්ම ආදරය කළ නිසාය.මිනිසත්කමට බෙහෙවින් ගරු කළ ටෝනි ගේ‍්‍රග් රුවන්ඩාවේ පැවැති අභ්‍යන්තර අර්බුදය පිළිබඳ සිය අවධානය වැඩි වශයෙන් යොමු කළේය. ජාත්‍යන්තර ක‍්‍රීඩා විස්තර විචාරකයෙක් වශයෙන් තම තරු බලය උපයෝගී කරගනිමින් රුවන්ඩාවේ තත්ත්වය පිළිබඳ වරින්වර ප‍්‍රකාශ නිකුත් කළේය.
‘එක්සත් ජාතීන්ගේ සංවිධානය රුවන්ඩාවේ සාමාන්‍ය ජනයා රැුකගැනීමට මීට වඩා ඇප කැප වී කටයුතු කරයි කියා මා බලාපොරොත්තු වනවා’ යැයි වරක් ටෝනි ගේ‍්‍රග් ජාත්‍යන්තර ප‍්‍රජාවට පැවසීය.
‘මගේ තත්ත්වය පිළිබ`ද විමසා බලා නිරෝගී සුවය ප‍්‍රාර්ථනා කළ සියලූ දෙනාට මගේ හද පිරි ස්තුතිය පිරිනමනවා. ඔබ සියල්ලන්ගේ සුබ පැතීම්වලින් සහ ආශිර්වාද සමග මගේ පවුලේ සෙනෙහසින් යළි නැගිටීමට මගේ උපරිම වෙහෙස ගන්නවා’
ටෝනි ගේ‍්‍රග් පසුකාලීනව තම වාසභූමිය කරගන්නේ ඔස්ටේ‍්‍රලියාවයි. දෙවරක් විවාහ වන ටෝනි ගේ‍්‍රග් හට දරුවන් සතර දෙනෙක් සිටියි. ගිය මාසයේ දෙසැම්බර් 29 වැනිදා අප අතරින් සමුගත් අඩි හයයි අ`ගල් හයක් උස දැවැන්ත ක‍්‍රීඩකයා, විස්තර විචාරකයා මානුෂවාදියා පිළිබ`ද ලොව දසත විසිරි විවිධ පුද්ගලයන් සිය අදහස් මෙසේ පැවසීය.
මයිකල් ක්ලාර්ක් - නායක ඔස්ටේ‍්‍රලියා
‘දින කිහිපයකට පෙර මම ටෝනිට කතා කළා. ඔහුගේ අභාවය මාව කම්පනයට පත් කළා. පෞද්ගලිකව ඔහු මට ගුරුවරයෙක් වුණා. මගේ අඩුපාඩු නොඅඩුව පෙන්වා දුන්නා’
මැට් ප‍්‍රයර් - එංගලන්තය
‘මට හිතාගන්න බැහැ මගේ ජීවිතේ වීරයෙක් බවට පත්ව සිටි පුද්ගලයෙක් මිය ගිය බව. ඔහු ක‍්‍රිකට් ක‍්‍රීඩාව වෙනුවෙන් බොහෝ දෑ පැවසූ අයෙක්’
ජූලියා ගිලාර්ඞ් - අග‍්‍රාමාත්‍ය - ඔස්ටේ‍්‍රලියාව
‘ඔස්ටේ‍්‍රලියාවෙන් පිටත සිට පැමිණි පුද්ගලයෙක් මෙරට සභ්‍යත්වයට සහ සංස්කෘතියට මෙතරම් හොඳට හැඩ ගැසීමේ හොඳම උදාහරණය ටෝනි ග්‍රේග්. ඔහු විවාදාත්මක චරිතයක් නොවුණත් ඔහු ක‍්‍රීඩාව වෙනුවන් කළ කැපවීම පුදුමාකාරයි’
ඉයන් චැපල් - ක‍්‍රීඩා විස්තර විචාරක
‘මම ඔහුගේ රෝගී තත්ත්වය පිළිබ`ද දැන සිටියත් මෙතරම් ඉක්මනින් අප අතරින් ටෝනි ගේ‍්‍රග් මිය යාවි කියා සිතුවේ නැහැ. ඔහු කුමක් කළත් ධනාත්මකව සිතුවා. ක‍්‍රීඩකයෙක් වශයෙන් ඔහු තුන් ඉරියව්වෙන්ම දක්ෂතා දැක්වූවා. මිතුරෙක් වශයෙන් ඔහු ඉතාම කුළුපගව කටයුතු කළා’
මාක් ටේලර් - හිටපු ඔස්ටේ‍්‍රලියානු නායක
‘ශරීරයෙන් මෙන්ම ක‍්‍රියා කලාපයෙන්ද ඔහු දැවැන්තයෙක්. මම ඔහු සමග විස්තර විචාරකයෙක් ලෙස කටයුතු කරනකොටයි ටෝනි ගේ‍්‍රග් කියන දැවැන්ත චරිතයේ ස්වභාවය හ`දුනා ගත්තේ’
රොමේෂ් කලූවිතාරණ - ශ‍්‍රී ලංකාව
‘ලිට්ල් කලූ කියලා මට පළමුව ආමන්ත‍්‍රණය කළේ ඔහු. ටෝනි ගේ‍්‍රග් සෑමවිටම අපේ අඩුපාඩු පෙන්වා දුන්නා’
සනත් ජයසූරිය - ශ‍්‍රී ලංකාව
‘ඔහු ආශා කළා අපේ ක‍්‍රීඩා විලාසයට. ටෝනි ගේ‍්‍රග් කිව්වා ජාත්‍යන්තරයට ශ‍්‍රී ලංකා ක‍්‍රීඩකයන්ගේ දක්ෂතා පිළිබ`ද. අපි අතර ටෝනි ගේ‍්‍රග් කියන නම සැමදාම රැුඳෙනවා’
ඬේව් වට්මෝර් - පාකිස්තානු පුහුණුකරු
‘චෙන්නායි නුවරට පා තබද්දී තමයි මම කනගාටුදාක පුවත ඇහුවේ. ඔහු විශිෂ්ටයෙක්. විශිෂ්ට ජීවනානුභූතියක් ඔහු සතු වුණා.’
ග්ලෙන් මැක්ග‍්‍රාත් - හිටපු ඔස්ටේ‍්‍රලියානු ක‍්‍රීඩක
‘ඔහු ක‍්‍රීඩාවේ බිහිවුණු මහත්මා චරිතයක්’
සන්ජේ මන්ජේකාර් - හිටපු ඉන්දීය ක‍්‍රීඩක
‘ඔහු අපව දිරිගැන්වූවා හැමවිටම. අපේ දක්ෂතා අගය කළා’
No comments:
Post a Comment